Silence

ഏകദേശം  എല്ലാം നിശബ്ദമാണ് .

അങ്ങനെ ഒരു കാലത്തിലാണ് നിൽക്കുന്നത് . കൊറോണ വൈറസ് പതുക്കെപ്പതുക്കെ കൊന്നൊടുക്കി കൊണ്ടിരിക്കുകയാണ് . ലോകം ആവുന്നത്ര പൊരുതിക്കൊണ്ട് നിൽക്കുന്നു . ലോകം ഇങ്ങനെ നിശബ്ദമാക്കപ്പെടുന്നത് ഈ കാലയളവിൽ ജീവിച്ചിരിക്കുന്ന ആരും കണ്ടുകാണില്ല
സ്വയം നിശബ്ദതയിലേക്കൂളിയിടുന്ന ഒരു  കൂടിയാണ് ഇതെനിക്ക് .
അത്രയേറെ ആത്മാനുരാഗത്തോടെ നിന്ന സമൂഹ മാധ്യമങ്ങൾ  . ഊർജസ്വലമായി മിണ്ടിയിരുന്ന കൂട്ടുകാർ .
ഹൃദത്തോളം ആഴത്തിലുള്ള ബന്ധം സൂക്ഷിച്ചിരുന്ന മനുഷ്യർ . പക്ഷെ പതിയെ ഒരു ചുവട് പിന്നോട്ട് വെക്കുകയാണ് .
എന്നാൽ , വീണു പോകാതിരിക്കാൻ മാത്രം , ഓ ഹെൻട്രിയുടെ ജോൺസിയെ ജീവിപ്പിച്ച അവസാനത്തെ ഇല പോലെ , ഇപ്പോളാരും വരാത്ത ഈയിടം കയറി നിൽക്കാനുള്ള ഇപ്പോളും ബാക്കിയുള്ള  ഒരു തണലിടം ആയി കരുതട്ടെ .
അടുക്കോ ചിട്ടയോ ഇല്ലാതെ .. ദിവസങ്ങളെ കുറിച്ചിടാനുള്ള ഒരേട് .
ഉള്ളിലെ തണലറ്റു പോയ ഇടങ്ങളിൽ നിന്നും ആർക്കുമല്ലാതെ കുറിക്കുന്ന ചിലത് .

സ്നേഹപൂർവ്വം