പേരില്ലാത്തത്

കവിതയെഴുതുമ്പോൾ സ്വപ്നവും നിറങ്ങളും വെയിൽപ്പഴുതുകളും
ഒരേയിടങ്ങളിൽ നനയുന്ന മഴയുമൊക്കെയുള്ള ഒരു കാലം എനിക്കുമുണ്ടായിരുന്നു .
എല്ലാരുടെയും ഉള്ളിലുള്ള കവിത ..അത്രയ്ക്ക് നിർമലമായത് .
എന്നാൽ വാക്കുകളെ പേടിയാണിപ്പോൾ .
സന്തോഷമെന്നും ജീവിതാനന്ദമെന്നും വാക്ക് തൊടുമ്പോൾ നിർമമം ആവുന്നു.

ഏതൊരെഴുത്തും ഒരു വായനക്കാരനെയോ വായനക്കാരിയെയോ എങ്കിലും കാത്തിരിക്കുന്നുണ്ടാവും .
എഴുതാനാവാത്തതിലാണ് കഥാകാരി രാജലക്ഷ്മി ജീവിതം നിർത്തിപ്പോയതെന്ന് എവിടെയോ വായിച്ചിട്ടുണ്ട് .
അത് പറഞ്ഞപ്പോളാണ് , അടുത്ത തവണ ലൈബ്രറിയിൽ പോകുമ്പോൾ ഒരു വഴിയും കുറെ നിഴലുകളും വീണ്ടുമെടുത്ത് വായിക്കണമെന്ന് എന്ന് തോന്നുന്നത് .
കുറെ നാളായി അങ്ങോട്ട് പോയിട്ട് .
ഇനി എന്ന് പോകാൻ ആവുമെന്നും അറിയില്ല.
  കേരളം  ഇത് വരെ അറിഞ്ഞിട്ടിലാത്ത ലോക്ക് ഡൗണിന്റെ രണ്ടാം ദിവസമാണ് ഇന്ന് .
രാജ്യത്തിന്റെ ലോക്ക് ഡൗണിന്റെ ഒന്നാം ദിവസവും ..

ഓരോ എഴുത്തിനുമവസാനം കൺ കോണിൽ ആ എരിച്ചിലുണ്ട് .മാറുമായിരിക്കും .